ەلەۋمەتتٸك جەلٸدە الماتىدا ادامداردى قاساقانا قاققان كٶلٸك وقيعاسىنا قاتىستى تاعى بٸر ۆيدەوسى پايدا بولدى, دەپ حابارلايدى قازاقپارات تٸلشٸسٸ.
كۋەگەر بۇل وقيعانى تەلەفونعا باسقا قىرىنان تٷسٸرٸپ, جەلٸدە جٷكتەگەن. پوستتا ەكٸ توپ تٶبەلەسٸپ جاتقانى تۋرالى جازىلادى.
ەستەرٸڭٸزگە سالايىق, 26 تامىزدا تاڭعى ساعات 5-تە الماتى قالاسى بوستاندىق اۋدانى گاگارين كٶشەسٸندە بولعان قاقتىعىستان كەيٸن بٸر تاراپتىڭ ٶكٸلدەرٸ ٶز قارسىلاستارىن اۆتوموبيلمەن قاعىپ, قىلمىس ورنىنان بوي تاسالاعان. ۆيدەو ەلەۋمەتتٸك جەلٸدە تارادى.
گاگارين كٶشەسٸندە ادامداردى قاساقانا قاققان كٷدٸكتٸلەردٸڭ بٸرٸ 26 تامىز كٷنٸ كەشكە ۇستالعان بولاتىن. ول - الماتى وبلىسى ەڭبەكشٸقازاق اۋدانىنىڭ تۇرعىنى, 1995 جىلى تۋعان ا. ەسٸمدٸ ازامات. ول, قر قىلمىستىق كودەكسٸنٸڭ 128-بابى تەرتٸبٸندە ۋاقىتشا ۇستاۋ يزولياتورىنا قامالدى. ەر ادام قىلمىس جاساۋ كەزٸندە اق تٷستٸ Toyota Camry ماركالى اۆتوكٶلٸگٸن باسقارعان.
ادامدى قاساقانا قاعۋ ٸسٸ بويىنشا ايىپتۇراعىنا قامالعان اۆتوكٶلٸكتٸڭ مەملەكەتتٸك نٶمٸرٸ بۇعان دەيٸن دە بٸر ٸسكە قاتىسى بار بولعانى انىقتالدى. اتاپ ايتقاندا, 2017 جىلى دەل وسىنداي مەملەكەتتٸك نٶمٸرلٸ كٶلٸك مٸنگەن جٷرگٸزۋشٸ ەسٸرتكٸگە ەلٸتٸپ كٶلٸك باسقارعانى ٷشٸن ۇستالعان.
كٷدٸكتٸلەردٸڭ اناسى نەزيرا ەليكەەۆا ۇلدارى مۇنداي ٸس ەرەكەتكە ٶزدەرٸن قورعاۋ ٷشٸن باردى دەدٸ.
پوليتسييا ادامداردى قاققان كٶلٸكتەردٸ تاۋىپ تەركٸلەدٸ. ەكٸ كٶلٸكتٸ ايعاقزاتتار رەتٸندە قر قك-نٸڭ 24-بابى 3-بٶلٸگٸ جەنە 99-بابىنىڭ 2-بٶلٸگٸ بويىنشا قوزعالعان قىلمىستىق ٸس ماتەريالدارىنا تٸركەدٸ.
