Qazirgi ýaqytta «Zerdeli» yqshamaýdanyndaǵy qisaiǵan kópqabatty úide júrigizilip jatqan jumystar týraly Alataý aýdanynyń ákimi Azamat Qaldybekov aityp berdi, dep habarlaidy "Ult aqparat".
«Saraptama nátijesi boiynsha, úidi qaita qalpyna keltirýge bolady. Qazir jumys júrip jatyr, taǵy 3-4 aiǵa sozylýy múmkin. Ol jaǵyn naqty aita almaimyn. Sol úidiń turǵyndary basqa jaqta páter jaldap turyp jatyr. Onyń aqshasyn ákimdik tóleidi. Úidiń irgetasy betonmen toltyrylady. Qurylys-montaj jumystary júrip jatyr. Biz turǵyndarmen únemi kezdesip, túsindirip otyramyz», - deidi aýdan ákimi.
Eske salaiyq, 11 jeltoqsanda Alataý aýdanyndaǵy «Zerdeli» shaǵynaýdanynyń turǵyndary úileriniń qisaiǵanyn aityp dabyl qaqqan edi.
Keiin Baqytjan Saǵyntaev qisaiǵan úidiń turǵyndarymen kezdesip, ákimdik olardy kóshirýge daiyn ekenin jetkizdi.
Qańtardyń 18 kúni prokýratýra qylmystyq is qozǵalǵany týraly málimdeme jasady.
