قازٸرگٸ ۋاقىتتا «زەردەلٸ» ىقشاماۋدانىنداعى قيسايعان كٶپقاباتتى ٷيدە جٷرٸگٸزٸلٸپ جاتقان جۇمىستار تۋرالى الاتاۋ اۋدانىنىڭ ەكٸمٸ ازامات قالدىبەكوۆ ايتىپ بەردٸ, دەپ حابارلايدى "ۇلت اقپارات".
«ساراپتاما نەتيجەسٸ بويىنشا, ٷيدٸ قايتا قالپىنا كەلتٸرۋگە بولادى. قازٸر جۇمىس جٷرٸپ جاتىر, تاعى 3-4 ايعا سوزىلۋى مٷمكٸن. ول جاعىن ناقتى ايتا المايمىن. سول ٷيدٸڭ تۇرعىندارى باسقا جاقتا پەتەر جالداپ تۇرىپ جاتىر. ونىڭ اقشاسىن ەكٸمدٸك تٶلەيدٸ. ٷيدٸڭ ٸرگەتاسى بەتونمەن تولتىرىلادى. قۇرىلىس-مونتاج جۇمىستارى جٷرٸپ جاتىر. بٸز تۇرعىندارمەن ٷنەمٸ كەزدەسٸپ, تٷسٸندٸرٸپ وتىرامىز», - دەيدٸ اۋدان ەكٸمٸ.
ەسكە سالايىق, 11 جەلتوقساندا الاتاۋ اۋدانىنداعى «زەردەلٸ» شاعىناۋدانىنىڭ تۇرعىندارى ٷيلەرٸنٸڭ قيسايعانىن ايتىپ دابىل قاققان ەدٸ.
كەيٸن باقىتجان ساعىنتاەۆ قيسايعان ٷيدٸڭ تۇرعىندارىمەن كەزدەسٸپ, ەكٸمدٸك ولاردى كٶشٸرۋگە دايىن ەكەنٸن جەتكٸزدٸ.
قاڭتاردىڭ 18 كٷنٸ پروكۋراتۋرا قىلمىستىق ٸس قوزعالعانى تۋرالى مەلٸمدەمە جاسادى.
