Kýágerlerdiń aitýynsha, jas ana aldymen balalardy terezeden laqtyryp, artynan ózi sekirip ketken, dep habarlaidy QazAqparat.
Kórshileriniń sózinshe, jas kelinshek osy úide bir bólmeli páter jaldap turǵan.
«Ol únemi balalarmen aýlada serýendep júretin. Onyń eki qyzy men bir uly boldy. Kenjesi úsh jasta edi. Qarapaiym otbasy siiaqty kórinetin», - deidi qaiǵyly oqiǵa bolǵan úidiń turǵyny.
«Búgin tańerteń bolǵan oqiǵa óte qorqynyshty. Aldymen anasy balalaryn terezeden laqtyryp jiberip, artynsha ózi sekirdi. Bári jerde jatty. Balalarǵa obal boldy. Qaza tapqandardyń otbasyna kóńil aitamyz», - dedi oqiǵa kýágeri.
Eske salaiyq, búgin «Jetisý» shaǵynaýdanynda kópqabatty úilerdiń biriniń terezesinen jas áiel úsh balasymen birge sekirip ketti.
28 jastaǵy áiel men onyń 2015, 2016 jáne 2019 jyly týǵan úsh kishkentai balasy 9-qabattyń terezesinen sekirip ketken. Áiel men eki balasy oqiǵa ornynda kóz jumdy. Taǵy bir bala jedel járdem kóliginde qaitys boldy.
