Almatyda qurǵaq shóp órtendi, dep habarlaidy "Ult aqparat".
Áleýmettik jelide «Aport» saýda, oiyn-saýyq ortalyǵynyń mańynan shyqqan órttiń videosy tarady.
«17 tamyzda saǵat 13:20-da órt sóndirýshiler Alataý aýdany Raiymbek dańǵyly, 529 mekenjaiyndaǵy órtke shyqty. Jeti minýttan soń jetken órt sóndirý bólimsheleri tútinniń qai jerden shyǵyp jatqanyn anyqtady. Eki jerden qurǵaq shóp janyp, órt qoqysqa kóship, sonyń saldarynan qoiý qara tútin paida boldy», - dep habarlady qalalyq Tótenshe jaǵdailar departamentinen.
Qabyldanǵan sharalardyń arqasynda, jalynnyń taralýy 20 minýtta toqtatylyp, saǵat 13:56-da tolyǵymen sóndirildi. 700 sharshy metr jer janǵan. Tilsiz jaýmen kúreske eki tehnika, 13 órt sóndirýshi jumyldyryldy. Zardap shekkender joq.
