الماتىداعى ٸرٸ ساۋدا ورتالىعىنىڭ جانىندا ٶرت بولدى

الماتىدا قۇرعاق شٶپ ٶرتەندٸ, دەپ حابارلايدى "ۇلت اقپارات".

ەلەۋمەتتٸك جەلٸدە «Aport» ساۋدا, ويىن-ساۋىق ورتالىعىنىڭ ماڭىنان شىققان ٶرتتٸڭ ۆيدەوسى تارادى. 

«17 تامىزدا ساعات 13:20-دا ٶرت سٶندٸرۋشٸلەر الاتاۋ اۋدانى رايىمبەك داڭعىلى, 529 مەكەنجايىنداعى ٶرتكە شىقتى. جەتٸ مينۋتتان سوڭ جەتكەن ٶرت سٶندٸرۋ بٶلٸمشەلەرٸ تٷتٸننٸڭ قاي جەردەن شىعىپ جاتقانىن انىقتادى. ەكٸ جەردەن قۇرعاق شٶپ جانىپ, ٶرت قوقىسقا كٶشٸپ, سونىڭ سالدارىنان قويۋ قارا تٷتٸن پايدا بولدى», - دەپ حابارلادى قالالىق تٶتەنشە جاعدايلار دەپارتامەنتٸنەن. 

قابىلدانعان شارالاردىڭ ارقاسىندا, جالىننىڭ تارالۋى 20 مينۋتتا توقتاتىلىپ, ساعات 13:56-دا تولىعىمەن سٶندٸرٸلدٸ. 700 شارشى مەتر جەر جانعان. تٸلسٸز جاۋمەن كٷرەسكە ەكٸ تەحنيكا, 13 ٶرت سٶندٸرۋشٸ جۇمىلدىرىلدى. زارداپ شەككەندەر جوق.