Almatylyqtar ózenniń káriz sýymen lastanýyna narazy. Beinejazba áleýmettik jelide paida boldy, dep habarlaidy "Ult aqparat".
Beinejazba avtory káriz sýy Baiqońyr kóshesi boiyndaǵy taý bókterinde ornalasqan úilerdiń qubyrynan shyǵyp Esentai ózenine quiylyp jatqanyn aitady.
QR Ekologiia, geologiia jáne tabiǵi resýrstar ministrliginiń baspasóz qyzmeti atalǵan faktiniń tekseriletinin habarlady.
«Almaty qalalyq ekologiia departamentiniń qyzmetkerleri erteń tańerteń baryp, synama alady. Sonymen birge, ekologter oqiǵa ornyna ekologiialyq politsiiany shaqyrdy, eger atalǵan fakti rastalsa, aiyppul salynady. Qazirgi boljam boiynsha bul Medeý aýdanynyń aýmaǵy», - dep habarlady Ekologiia ministrliginen.
