Almaty qalalyq mobildilik basqarmasynyń basshysy Ǵani Myrzahanov onlain brifing barysynda BRT (júrdek avtobýs jelisiniń) ekinshi kezeńi keiinge shegerilgenin málim etti, dep habarlaidy QazAqparat.
«Ekinshi kezeńdi jobalaý 2017 jyly bastalyp, joba 80-85 paiyzǵa ázirlendi. LRT kapitaldyq jobasyna qatysqan kompaniia daiyndaǵan bolatyn. Jobany tolyǵymen aiaqtaý múmkin bolmady: kompaniia litsenziiasynan aiyryldy, olardyń quqyqtyq máseleleri boldy. Qazir bul kompaniiamen sottasyp jatyrmyz. BRT jobasynyń ekinshi kezeńi keiinge shegerildi», - dedi basqarma basshysy.
Ǵani Myrzahanov BRT jobasynyń birinshi kezeńi boiynsha negizgi jumystardyń aiaqtalǵanyn qosty. Jandosov kóshesiniń Úlken Almaty ózeninen Altynsaringe deiingi bóligi arnaiy jolaqty qosa alǵanda tórt jolaqtan alty jolaqtyǵa deiin keńeitildi.
«Búgin BRT jobasynyń birinshi kezeńi aiaqtaldy dep aita alamyz. Az jumys qaldy», - dedi ol.
