الماتى قالالىق موبيلدٸلٸك باسقارماسىنىڭ باسشىسى عاني مىرزاحانوۆ ونلاين بريفينگ بارىسىندا BRT (جٷردەك اۆتوبۋس جەلٸسٸنٸڭ) ەكٸنشٸ كەزەڭٸ كەيٸنگە شەگەرٸلگەنٸن مەلٸم ەتتٸ, دەپ حابارلايدى قازاقپارات.
«ەكٸنشٸ كەزەڭدٸ جوبالاۋ 2017 جىلى باستالىپ, جوبا 80-85 پايىزعا ەزٸرلەندٸ. LRT كاپيتالدىق جوباسىنا قاتىسقان كومپانييا دايىنداعان بولاتىن. جوبانى تولىعىمەن اياقتاۋ مٷمكٸن بولمادى: كومپانييا ليتسەنزيياسىنان ايىرىلدى, ولاردىڭ قۇقىقتىق مەسەلەلەرٸ بولدى. قازٸر بۇل كومپانييامەن سوتتاسىپ جاتىرمىز. BRT جوباسىنىڭ ەكٸنشٸ كەزەڭٸ كەيٸنگە شەگەرٸلدٸ», - دەدٸ باسقارما باسشىسى.
عاني مىرزاحانوۆ BRT جوباسىنىڭ بٸرٸنشٸ كەزەڭٸ بويىنشا نەگٸزگٸ جۇمىستاردىڭ اياقتالعانىن قوستى. جاندوسوۆ كٶشەسٸنٸڭ ٷلكەن الماتى ٶزەنٸنەن التىنسارينگە دەيٸنگٸ بٶلٸگٸ ارنايى جولاقتى قوسا العاندا تٶرت جولاقتان التى جولاقتىعا دەيٸن كەڭەيتٸلدٸ.
«بٷگٸن BRT جوباسىنىڭ بٸرٸنشٸ كەزەڭٸ اياقتالدى دەپ ايتا الامىز. از جۇمىس قالدى», - دەدٸ ول.
