Almatyda búgingi kúnnen bastap bilim berý ortalyqtaryna jumys isteýge ruqsat berildi, dep habarlaidy "Ult aqparat".
Elimizdegi tótenshe jaǵdai rejiminiń aiaqtalýyna orai, Almatydaǵy bilim berý ortalyqtarynyń ashylýyna ruqsat etildi. Alaida megapolistegi bilim ortalyqtary jumystaryn jalǵastyrýǵa asyqpaidy.
«Onyń sebebi bar. Jalpy jekemenshik bilim ortalyqtaryndaǵy qosymsha sabaqtar men úiirmelerge keletin balalardyń sany jazǵa qarai azaiady. Búginen bastap ashylýǵa ruqsat berildi. Biraq, kelýshiler joq. Sondyqtan ázirge ashylmaimyz»,– dep habarlady Diplom.kz ortalyǵy.
Almatydaǵy Happy Land bilim berý ortalyǵyda áli jumys istemeitinderin jetkizdi.
«Ruqsat birilgenin esti salysymen bizge kelip júrgen ata-analarǵa habarlastyq. Ashylatynymyzdy jetkizdik. Ata-analardyń basym bóligi balalaryn jiberýge áli qorqatyndaryn aitty. Bala sany óte az. Jumysty qashan bastaitynymyzdy naqty ashyp aita almaimyz»,– dep atap ótti Happy Land bilim berý ortalyǵynyń ókili.
Aita keteiik, bilim berý ortalyqtary jumystaryn bastamas buryn aýditten ótýge mindetti. Ótinimder kún saiyn call centre arqyly qabyldanady.
Aýdit ótkennen keiin jáne oń sheshim alǵannan soń infoalmaty.kz saitynda tirkeledi. Bilim berý uiymdarynda jumys isteitin jáne oblysta turatyn qyzmetkerlerdi tirkeýge ótinim osy sait arqyly beriledi.
