Almatyda basseinderdiń birinde balalar hlor býymen ýlandy, dep habarlaidy QazAqparat.
Qalalyq qoǵamdyq densaýlyq saqtaý basqarmasynyń málimetinshe, balalar 23 qyrkúiek kúni tańerteń kómek suraǵan.
«Tamaq jybyrlaý jáne túshkirý shaǵymy boiynsha 11 bala jedel meditsinalyq járdem brigadalary kómegimen Balalar shuǵyl meditsinalyq járdem ortalyǵyna jetkizildi. Olar basseinde sabaq kezinde hlor býlarymen ýlanǵan. Balalardyń jasy 12-14 jas aralyǵynda. Barlyǵynyń jaǵdaiy turaqty, beiindi bólimshege jatqyzyldy», - dep habarlady QDSB.
Qalalyq sanitarlyq-epidemiologiialyq baqylaý departamenti basshysynyń orynbasary Sádýaqas Baiǵabylov tergeý júrgizilip jatqanyn aitty.
«Almaly aýdanynyń sanitarlyq dárigerleri oqiǵa boiynsha tergeý júrgizýde, qosymsha tolyǵyraq habarlaimyz», - dedi ol.
