Almatydaǵy balalar úiiniń tárbielenýshisi soqqyǵa jyǵylǵan. Atalǵan jaǵdaidy politsiia tekserip jatyr, dep habarlaidy QazAqparat.
«Januia» mamandandyrylǵan kesheninde jasóspirim qyzdy aiaýsyz uryp-soqqany týraly habarlama men video áleýmettik jelide tarady.
Almaty qalalyq Politsiia departamenti tekserý jumystary bastalǵanyn málim etti.
«Bul fakti boiynsha Medeý aýdandyq politsiia basqarmasy tekserýdi bastady. Kadrda balalar úiiniń 2004 jáne 2005 jyly týǵan eki tárbielenýshisiniń arasyndaǵy janjaldy kórýge bolady. Anyqtalǵanyndai, bul 3 qyrkúiekte bolǵan jaǵdai. Buǵan deiin, atalǵan derek boiynsha politsiiaǵa eshkim habar bergen joq. Qazirgi ýaqytta keshendi tekserý júrgizilýde, sonyń nátijesi boiynsha zańǵa sáikes sharalar qoldanylatyn bolady», - dep habarlady Politsiia departamentiniń baspasóz qyzmeti.
