Áleýmettik jelide Almatydaǵy №164 balabaqshada balalarǵa berilgen tamaqtyń videosy tarady. Kadrlarda kishkentai búldirshinder nan men jumyrtqa ǵana jep otyrǵany kórinedi, - dep habarlaidy Tengrinews.kz.
Videodaǵy er adam kishkentai balalar jep otyrǵan tamaqty eresekter de jei almaitynyn aitady.
"Jumyrtqa men nan jep otyrǵandary. Qara shai, kompot. Qara shaiǵa nan salyp jeidi. Bul - memlekettik balabaqsha", - deidi videodaǵy er adam.
Almaty qalasy Bilim basqarmasy ókilderi osy videoǵa qatysty pikir bildirdi.
"Osy jaǵdaiǵa qatysty jan-jaqty tekseris júrgizý úshin monitoring top quryldy. 20 naýryzǵa deiin baqylaý komissiiasy óz jumysyn aiaqtaýǵa tiis. Qazir Almaty qalasy bilim basqarmasynyń qyzmetkerleri mektepke deiingi uiymǵa ketti. Tekserý nátijeleri qosymsha beriledi", - delingen vedomstvo habarlamasynda.
