City Bus JShS ókili apatqa ushyraǵan №98 avtobýs júrgizýshisiniń jaǵdaiyn aitty, - dep habarlaidy Tengrinews.kz agenttigi.
Avtopark direktory Egor Jiglovtyń aitýynsha, azamat basynan jaralanyp, aýrýhanaǵa túsken.
"Júrgizýshi qazir neirohirýrgiiada jatyr. Onyń miy shaiqalǵan, jaǵdaiy turaqty", - dedi Jiglov.
№98 avtobýstyń júrgizýshisi 35 jasta ekeni belgili boldy. Avtopark ókiliniń aitýynsha, júrgizýshi 2022 jyldyń mamyrynan beri jumys isteidi. Qazir oǵan qatysty tergeý júrip jatyr.
"2012 jyldan bergi tájiribesi bar. Júrgizýshiniń sipattamasy jaqsy boldy, ol buryn mundai oqiǵalarǵa qatyspaǵan. Qazir ol áli de shok jaǵdaiynda, eshteńe esinde joq jáne sóilemeidi. Ýaqytsha esin joǵalqan", - dedi tasymaldaýshy kompaniia direktory Egor Jiglov.
Eske salaiyq, jol apaty Tóle bi kóshesi men Abylai han dańǵylynyń qiylysynda bolǵan. Apat saldarynan bir adam qaza taýyp, 17 adam aýrýhanaǵa jetkizilgen, jáne bir adam meditsinalyq kómekten bas tartqan.
Adam ólimine ákep soqqan jol-kólik oqiǵasy deregin tekserip jatqan Almaty qalalyq PD anyqtaý basqarmasy málimetinshe, JKO syzbasyna jáne beinebaqylaý júieleriniń taldaýyna sáikes, saǵat 14:05-te jeke tasymaldaýshylardyń birine tiesili "MAZ-203069" qoǵamdyq kóliginiń júrgizýshisi 1987 jyly týǵan A. esimdi er adam, Abylai han dańǵylymen ońtústik baǵytta kele jatyp, Tóle bi dańǵylynyń qiylysynda baǵdarshamnyń tyiym salynǵan belgisine ótip ketip, Tóle bi dańǵylymen shyǵys baǵytta kele jatqan "GOLDEN DRAGON XML6125CN" markaly qoǵamdyq kólikpen soqtyǵysqan.
Bul derek QR QK-niń 345-baby 3-bóligine sáikes sotaldy tergeýdiń biryńǵai tizilimine tirkelgen. Tiisti saraptamalar taǵaiyndaldy.
