Foto: t.me/almatynews_kaz
Almaty qalalyq PD ókilderi avtobýs apatynan 1 adam qaza taýyp, taǵy 16 adam zardap shekkenin málimdedi.
Vedomstvo ókilderiniń aitýynsha, ólimmen aiaqtalǵan jol-kólik oqiǵasy faktisi boiynsha qylmystyq is qozǵaldy. Tiisti saraptamalar taǵaiyndaldy.
Bul jol-kólik oqiǵasy Almaty qalasynyń Almaly aýdanynda 14 saǵat 20 minýtta bolǵan.
"Aldyn ala málimetter boiynsha, KIA markaly avtomashinanyń júrgizýshisi Maqataev kóshesin ońtústik baǵytta kesip ótip, "City-Bus" JShS jeke tasymaldaýshysy qyzmet kórsetetin № 18 baǵyttaǵy avtobýspen soqtyǵysýǵa jol berip, keiinnen kedergige soǵylǵan. Apat saldarynan avtobýstyń 16 jolaýshysy meditsinalyq kómekke júgindi, taǵy bir jolaýshy oqiǵa ornynda qaza tapty", - delingen habarda.
