Dárigerler Almatyda avtobýs apatynan zardap shekkenderdiń jaǵdaiyn aitty, - dep habarlaidy Tengrinews.kz agenttigi.
Almaty qalalyq Densaýlyq saqtaý basqarmasy men №4 aýrýhana qazirgi ýaqytta barlyǵy toǵyz naýqas emdelip jatqanyn, onyń ishinde bir bala bar ekenin aitty.
Jedel járdem kórsetý ortalyǵyna 2013 jyly týǵan bala jetkizildi. Dárigerler diagnoz qoidy: qosarlanǵan jaraqat, jabyq bassúiek-mi jaraqaty, mi shaiqalýy. Ol 3-neirohirýrgiialyq bólimshege jatqyzyldy. Jaǵdaiy ózgerissiz turaqty.
Eki naýqas jedel járdem aýrýhanasyna jetkizildi. Alty naýqas 4-shi qalalyq aýrýhanaǵa, ekeýi travmatologiia bólimine, tórteýi neirohirýrgiia bólimine tústi.
"Neirohirýrgiiadaǵy naýqastardyń báriniń jaǵdaiy turaqty, olar konservativ em qabyldap jatyr. Bárinde jabyq bas súiek-mi jaraqaty bar. Eki áiel men eki er adam tústi, jaǵdaiy ortasha aýyr", - dedi №4 QKB neirohirýrgiia bólimshesiniń meńgerýshisi Nurjan Ájibekov.
Sondai-aq, dáriger bir júrgizýshi sol bólimshede ekenin, ol shynymen bas-mi jaraqatyn alǵanyn jáne retrogradtyq amneziiaǵa shaldyqqanyn, iaǵni jol apaty bolǵan sátti bilmeitinin aitty.
Eske salaiyq, jol apaty Tóle bi kóshesi men Abylai han dańǵylynyń qiylysynda bolǵan. Apat saldarynan bir adam qaza taýyp, 17 adam aýrýhanaǵa jetkizilgen, jáne bir adam meditsinalyq kómekten bas tartqan.
Adam ólimine ákep soqqan jol-kólik oqiǵasy deregin tekserip jatqan Almaty qalalyq PD anyqtaý basqarmasy málimetinshe, JKO syzbasyna jáne beinebaqylaý júieleriniń taldaýyna sáikes, saǵat 14:05-te jeke tasymaldaýshylardyń birine tiesili "MAZ-203069" qoǵamdyq kóliginiń júrgizýshisi 1987 jyly týǵan A. esimdi er adam, Abylai han dańǵylymen ońtústik baǵytta kele jatyp, Tóle bi dańǵylynyń qiylysynda baǵdarshamnyń tyiym salynǵan belgisine ótip ketip, Tóle bi dańǵylymen shyǵys baǵytta kele jatqan "GOLDEN DRAGON XML6125CN" markaly qoǵamdyq kólikpen soqtyǵysqan.
Bul derek QR QK-niń 345-baby 3-bóligine sáikes sotaldy tergeýdiń biryńǵai tizilimine tirkelgen. Tiisti saraptamalar taǵaiyndaldy.
