Dárigerler Almatydaǵy avtobýs pen KamAZ soqtyǵysýynan jaraqat alǵan jolaýshylardyń jaǵdaiy týraly aityp berdi, dep habarlaidy QazAqparat.
Jolaýshylardyń barlyǵy №4 qalalyq aýrýhanaǵa túsken. 6 adam politravma bólimshesindegi qarqyndy terapiia bóliminde jatyr.
«Olardyń jaǵdaiy óte aýyr. Qazir shokqa qarsy terapiia júrgizilip jatyr. Barlyǵy joǵary inertti qozǵalystyń kesirinen aýyr jaraqat alǵan. Patsientterdi mýltidistsiplinarly brigada ókilderi qarady. Bir patsient ambýlatoriialyq em qabyldaý úshin úiine jiberildi», - dedi qalalyq qoǵam densaýlyǵyn saqtaý basqarmasynan.
Aita ketý kerek, jol apaty Túrksib aýdanyna qarasty Shosseinaia jáne Boraldai kósheleriniń qiylysqan tusynda, tańǵy 9:35-te boldy. Avtobýs júrgizýshisi jol qozǵalysy erejesin óreskel buzyp, KamAZ júk kóligimen soqtyǵysty.
