Foto: ashyq derekkóz
Almatyda meditsinalyq jabdyqtardy paidalaný kezinde óreskel zańbuzýshylyqtar anyqtaldy, dep habarlaidy Ult.kz. Tekserýdi Qazaqstan Respýblikasy Saýda jáne integratsiia ministrligi Tehnikalyq retteý jáne metrologiia komiteti júrgizgen.
Vedomstvo málimetinshe, jospardan tys baqylaý nátijesinde Ortalyq qalalyq klinikalyq aýrýhana qyzmetinde ólshem birligin qamtamasyz etý salasyndaǵy zań talaptary saqtalmaǵany belgili boldy.
Atap aitqanda, 2026 jylǵy 11 aqpanǵa deiin meditsinalyq mekemede 106 patsient monitoringi modýli mindetti rásimderden ótpei paidalanylǵan. Qurylǵylar tipin bekitýsiz nemese metrologiialyq attestatsiiasyz qoldanylǵan, memlekettik reestrde tirkelmegen jáne tekserýden (poverkadan) ótpegen. Soǵan qaramastan, olar patsientterge meditsinalyq kómek kórsetý barysynda qoldanylǵan.
Mamandardyń aitýynsha, bul modýlder júrek soǵý jiiligi, arteriialyq qysym, qandaǵy ottegi deńgeii, elektrokardiogramma jáne dene temperatýrasy siiaqty ómirlik mańyzdy kórsetkishterdi baqylaýǵa arnalǵan. Mundai jabdyqtyń dáldigi rastalmai paidalanylýy klinikalyq sheshimderge tikelei áser etip, patsientterdiń qaýipsizdigine qaýip tóndirýi múmkin.
Tekserý barysynda Qazaqstan Respýblikasynyń «Ólshem birligin qamtamasyz etý týraly» zańynyń 17 jáne 19-baptary buzylǵany anyqtalǵan. Barlyq faktiler tiisti materialdarmen rastaldy.
Nátijesinde meditsinalyq uiymǵa anyqtalǵan zańbuzýshylyqtardy joiý týraly mindetti nusqama berildi. Sonymen qatar mekeme Ákimshilik quqyq buzýshylyq týraly kodekstiń 419-baby boiynsha jaýapkershilikke tartylyp, 600 ailyq eseptik kórsetkish (2 595 000 teńge) kóleminde aiyppul tólegen.
Departament ókilderi metrologiialyq talaptardy saqtaý patsient qaýipsizdigimen tikelei bailanysty ekenin atap ótip, mundai normalardan aýytqýǵa jol berilmeitinin eskertti.
