فوتو: اشىق دەرەككٶز
الماتىدا مەديتسينالىق جابدىقتاردى پايدالانۋ كەزٸندە ٶرەسكەل زاڭبۇزۋشىلىقتار انىقتالدى, دەپ حابارلايدى Ult.kz. تەكسەرۋدٸ قازاقستان رەسپۋبليكاسى ساۋدا جەنە ينتەگراتسييا مينيسترلٸگٸ تەحنيكالىق رەتتەۋ جەنە مەترولوگييا كوميتەتٸ جٷرگٸزگەن.
ۆەدومستۆو مەلٸمەتٸنشە, جوسپاردان تىس باقىلاۋ نەتيجەسٸندە ورتالىق قالالىق كلينيكالىق اۋرۋحانا قىزمەتٸندە ٶلشەم بٸرلٸگٸن قامتاماسىز ەتۋ سالاسىنداعى زاڭ تالاپتارى ساقتالماعانى بەلگٸلٸ بولدى.
اتاپ ايتقاندا, 2026 جىلعى 11 اقپانعا دەيٸن مەديتسينالىق مەكەمەدە 106 پاتسيەنت مونيتورينگٸ مودۋلٸ مٸندەتتٸ رەسٸمدەردەن ٶتپەي پايدالانىلعان. قۇرىلعىلار تيپٸن بەكٸتۋسٸز نەمەسە مەترولوگييالىق اتتەستاتسيياسىز قولدانىلعان, مەملەكەتتٸك رەەستردە تٸركەلمەگەن جەنە تەكسەرۋدەن (پوۆەركادان) ٶتپەگەن. سوعان قاراماستان, ولار پاتسيەنتتەرگە مەديتسينالىق كٶمەك كٶرسەتۋ بارىسىندا قولدانىلعان.
مامانداردىڭ ايتۋىنشا, بۇل مودۋلدەر جٷرەك سوعۋ جيٸلٸگٸ, ارتەرييالىق قىسىم, قانداعى وتتەگٸ دەڭگەيٸ, ەلەكتروكارديوگرامما جەنە دەنە تەمپەراتۋراسى سيياقتى ٶمٸرلٸك ماڭىزدى كٶرسەتكٸشتەردٸ باقىلاۋعا ارنالعان. مۇنداي جابدىقتىڭ دەلدٸگٸ راستالماي پايدالانىلۋى كلينيكالىق شەشٸمدەرگە تٸكەلەي ەسەر ەتٸپ, پاتسيەنتتەردٸڭ قاۋٸپسٸزدٸگٸنە قاۋٸپ تٶندٸرۋٸ مٷمكٸن.
تەكسەرۋ بارىسىندا قازاقستان رەسپۋبليكاسىنىڭ «ٶلشەم بٸرلٸگٸن قامتاماسىز ەتۋ تۋرالى» زاڭىنىڭ 17 جەنە 19-باپتارى بۇزىلعانى انىقتالعان. بارلىق فاكتٸلەر تيٸستٸ ماتەريالدارمەن راستالدى.
نەتيجەسٸندە مەديتسينالىق ۇيىمعا انىقتالعان زاڭبۇزۋشىلىقتاردى جويۋ تۋرالى مٸندەتتٸ نۇسقاما بەرٸلدٸ. سونىمەن قاتار مەكەمە ەكٸمشٸلٸك قۇقىق بۇزۋشىلىق تۋرالى كودەكستٸڭ 419-بابى بويىنشا جاۋاپكەرشٸلٸككە تارتىلىپ, 600 ايلىق ەسەپتٸك كٶرسەتكٸش (2 595 000 تەڭگە) كٶلەمٸندە ايىپپۇل تٶلەگەن.
دەپارتامەنت ٶكٸلدەرٸ مەترولوگييالىق تالاپتاردى ساقتاۋ پاتسيەنت قاۋٸپسٸزدٸگٸمەن تٸكەلەي بايلانىستى ەكەنٸن اتاپ ٶتٸپ, مۇنداي نورمالاردان اۋىتقۋعا جول بەرٸلمەيتٸنٸن ەسكەرتتٸ.
