Foto: Nur.kz
Almaty qalasynda aýa sapasyn baqylaý jumystary «Qazgidromet» mekemesine júktelgen. Vedomstvo derekteri — qaladaǵy lastaný deńgeii boiynsha jalǵyz resmi málimet bolyp sanalady, dep habarlaidy Ult.kz Almaty ákimdigine silteme jasap.
Qazirgi tańda Almaty aýmaǵynda 16 statsionarlyq beket jumys isteidi. Barlyq quraldar sertifikattalǵan, memlekettik tizimge engizilgen jáne tolyq tehnikalyq tekserýden ótken.
Ekologiia jáne qorshaǵan orta basqarmasynyń habarlaýynsha, jeke ornatylǵan datchikterdiń nemese kalibrlenbegen qurylǵylardyń kórsetkishteri resmi derek retinde qarastyrylmaidy.
24–25 qarasha kúnderi Almatyda «joǵary deńgeidegi lastaný» (50 ShRK-dan joǵary) tirkelgen joq. Alaida keibir beketterde jekelegen zattar boiynsha 1,0–2,1 ShRK kóleminde bir rettik shamaly asý baiqalǵan.
Mamandar muny inversiia, jaýyn-shashynnyń bolmaýy jáne jylytý maýsymynyń belsendiligi siiaqty meteorologiialyq jaǵdailarmen bailanystyrady. Lastanýdyń negizgi kózderi — jeke sektor, óndiristik oryndar jáne qalada paidalanylyp júrgen shamamen bir million avtokólik. Jalpy shyǵaryndylardyń 60%-y osy kólik quraldaryna tiesili.
Almaty qalasynyń ekologiialyq jaǵdaiyn baqylaý ári jaqsartý baǵytyndaǵy jumys jalǵasýda.
