Almaty politsiiasy atys deregi boiynsha eki qylmystyq is qozǵady, - dep habarlaidy "Ult aqparat".
Qalalyq politsiia departamentiniń basshysy Qanat Taimerdenov brifingte Aqbulaq shaǵynaýdanyndaǵy jeke úide jasalǵan qylmys deregi boiynsha eki is qozǵalǵanyn habarlady.
«Kisi óltirý» jáne «Bilik ókiline shabýyl jasaý» baptary boiynsha eki qylmystyq is qozǵaldy. Kúdikti ýaqytsha ustaý izoliatoryna qamaldy. Odan jaýap alynyp jatyr. Málimetter anyqtalýda.
Belgili bolǵandai, er adam ańshy myltyǵynan oq atqan. Qarý onyń atyna 2008 jyly tirkelgen, kúdikti psihiatriialyq dispanserde esepte joq», - dedi Qanat Taimerdenov.
Onyń aitýynsha, vedomstvoaralyq jedel top quryldy, aldaǵy ýaqytta tergeý nátijeleri boiynsha politsiia tolyq aqparat beretin bolady.
«Qyzmet barysynda qaza bolǵan politsiia qyzmetkerleriniń otbasylaryna kómek kórsetiledi. Olardyń kámelettik jasqa tolmaǵan balalary bar», - dedi spiker.
Aita keteiik, 20 qyrkúiekte keshke Almatyda atys boldy. 54 jastaǵy er adam úiden shyǵarý týraly sot sheshimin oryndaýǵa kelgen sot oryndaýshysyna, politsiia qyzmetkerlerine jáne aýlada bolǵan ózge eki adamǵa ańshy myltyǵynan oq jaýdyrǵan. Nátijesinde bes adam qaza tapty. Eki politsiia qyzmetkeri, bir jeke sot oryndaýshysy jáne eki turǵyn. Olardyń biri - úidiń jańa iesi, ekinshisi - onyń tanysy.
1967 jyly týǵan kúdikti ustaldy. Ol 20 jylǵa nemese ómir boiyna deiin bas bostandyǵynan aiyrylýy múmkin.
