Foto: Duzr Almaty
2004 jyly «Halyqaralyq klýbtar qaýymdastyǵy» JShS Almaty oblysy, Qarasai aýdany aýmaǵynan (qazirgi Almaty shekarasyna engen) 884,9 gektar jer ýchaskesine aýyl sharýashylyǵy maqsatynda menshik quqyǵyn alǵan bolatyn. Bul quqyq sol jyly aýdan ákiminiń sheshimimen berilgen. 2015 jyly Almaty qalasynyń jer qatynastary basqarmasy sheshimimen atalǵan jer ýchaskesi 16 bólikke bólinip, jańa kadastrlyq nómirlerge ie boldy, dep habarlaidy Ult.kz Almaty qalasynyń jer resýrstaryn basqarý departamentine silteme jasap.
Alaida, bul ýchaske arqyly Kerenqulaq pen Berqara ózenderiniń aǵýy zań máselelerin týdyrǵan. QR Jer kodeksiniń 132 jáne 133-baptaryna sáikes sý qorynyń jerleri memlekettik menshik bolyp tabylady jáne tek ýaqytsha paidalanýǵa ǵana berilýi múmkin.
Almaty qalasynyń prokýratýrasy bul jaǵdaida «sý aidyndary alyp jatqan jerlerdi berýge tyiym salý bóliginde jer zańnamasynyń normalary eskerilmegen» dep paiymdaidy.
Osyǵan bailanysty Almaty qalasynyń prokýratýrasy «Halyqaralyq klýbtar qaýymdastyǵy» JShS men Qarasai aýdany ákimdigine mámileni jaramsyz dep taný týraly talap aryz bergen. Is Almaty qalasynyń mamandandyrylǵan aýdanaralyq ekonomikalyq sotynyń óndiriske alýymen qaralýda.
«Memlekettik organdardyń, jeke, zańdy jáne laýazymdy tulǵalardyń Qazaqstan Respýblikasynyń jer zańnamasyn saqtaýyn qamtamasyz etý – jer zańnamasynyń mindetteriniń biri bolyp tabylady», – dep málimdeidi prokýratýra ókilderi.
