Biyl Almatyda ár toqsan saiyn 90 aqyn-jazýshyǵa grant tapsyrylady. Bul týraly Almaty ákimi Baqytjan Saǵyntaev Almatyda ótken jiyn barysynda aitty, dep habarlaidy "Ult aqparat".
Onyń aitýynsha, ál-Farabidyń 1150 jyldyǵy men Abaidyń 175 jyldyq mereitoilaryna orai kóptegen sharalar ótip, Almaty qalasynyń ákimdigi tarapynan aqyn, jazýshylarǵa qoldaý kórsetilmek.
«Byltyr Jazýshylar Odaǵynyń 85 jyldyq mereitoiy joǵary deńgeide ótti. Jergilikti biýdjet esebinen 250 mln teńge qarajat bólinip, Jazýshylar Odaǵynyń ǵimaratyna jóndeý jumystary júrgizilýde. Almaty qalasynda turatyn 150 aqyn-jazýshy 500 myń teńgelik aqshalai grant sertifikattarymen marapattalǵan bolatyn. Búgingi tańda Qazaqstan boiynsha Jazýshylar Odaǵynyń 820 múshesi bolsa, onyń 360-y osy Almaty qalasynda turady eken. Biyl biz ár toqsan saiyn 90 aqyn-jazýshyǵa grant tapsyratyn bolamyz. Bul tizimdi bizge Jazýshylar Odaǵynyń ózi usynyp otyrady. Bul másele qazir biýdjette naqtylanyp jatyr», - dedi Baqytjan Saǵyntaev.
Aita ketý kerek, byltyr jańa jyl qarsańynda Almaty ákimi qaladaǵy 60 aqyn jazýshyǵa saltanatty túrde arnaiy grant tabystaǵan bolatyn.
