بيىل الماتىدا ەر توقسان سايىن 90 اقىن-جازۋشىعا گرانت تاپسىرىلادى. بۇل تۋرالى الماتى ەكٸمٸ باقىتجان ساعىنتاەۆ الماتىدا ٶتكەن جيىن بارىسىندا ايتتى, دەپ حابارلايدى "ۇلت اقپارات".
ونىڭ ايتۋىنشا, ەل-فارابيدىڭ 1150 جىلدىعى مەن ابايدىڭ 175 جىلدىق مەرەيتويلارىنا وراي كٶپتەگەن شارالار ٶتٸپ, الماتى قالاسىنىڭ ەكٸمدٸگٸ تاراپىنان اقىن, جازۋشىلارعا قولداۋ كٶرسەتٸلمەك.
«بىلتىر جازۋشىلار وداعىنىڭ 85 جىلدىق مەرەيتويى جوعارى دەڭگەيدە ٶتتٸ. جەرگٸلٸكتٸ بيۋدجەت ەسەبٸنەن 250 ملن تەڭگە قاراجات بٶلٸنٸپ, جازۋشىلار وداعىنىڭ عيماراتىنا جٶندەۋ جۇمىستارى جٷرگٸزٸلۋدە. الماتى قالاسىندا تۇراتىن 150 اقىن-جازۋشى 500 مىڭ تەڭگەلٸك اقشالاي گرانت سەرتيفيكاتتارىمەن ماراپاتتالعان بولاتىن. بٷگٸنگٸ تاڭدا قازاقستان بويىنشا جازۋشىلار وداعىنىڭ 820 مٷشەسٸ بولسا, ونىڭ 360-ى وسى الماتى قالاسىندا تۇرادى ەكەن. بيىل بٸز ەر توقسان سايىن 90 اقىن-جازۋشىعا گرانت تاپسىراتىن بولامىز. بۇل تٸزٸمدٸ بٸزگە جازۋشىلار وداعىنىڭ ٶزٸ ۇسىنىپ وتىرادى. بۇل مەسەلە قازٸر بيۋدجەتتە ناقتىلانىپ جاتىر», - دەدٸ باقىتجان ساعىنتاەۆ.
ايتا كەتۋ كەرەك, بىلتىر جاڭا جىل قارساڭىندا الماتى ەكٸمٸ قالاداعى 60 اقىن جازۋشىعا سالتاناتتى تٷردە ارنايى گرانت تابىستاعان بولاتىن.
