Almatydaǵy Ahmet Baitursynovtyń murajai-úii ákimdik menshigine qaitaryldy, dep habarlaidy QazAqparat.
Almaty ákimi Baqytjan Saǵyntaev murajai-úidi qoǵamdyq qordan kommýnaldyq menshikke berý týraly sheshim qabyldanǵanyn aitty.
«Keler jyly kórnekti aǵartýshy Ahmet Baitursynovtyń týǵanyna 150 jyl tolady. Mereitoiǵa daiyndyq barysynda qoǵam qairatkeri turǵan murajai-úidi qala menshigine qaitardyq. Onyń murasy máńgilik saqtalady», - dep jazdy Baqytjan Saǵyntaev óziniń Twitter-degi akkaýntynda.
HH ǵasyrdyń basynda salynǵan murajai ǵimaraty respýblikalyq mańyzy bar tarih jáne mádeniet eskertkishteriniń memlekettik tizimine engizilgen.
Ǵimarattyń jalpy aýdany – 160 sharshy metr.
Murajai 1993 jyly quryldy jáne 1998 jyly resmi túrde ashyldy.
Onda Ahmet Baitursynovtyń ómiri men shyǵarmashylyǵynan syr shertetin 500-ge jýyq qundy material saqtalǵan.
