Foto: ©RIA Novosti
Almaty qalasyndaǵy aýrýhanada naýqastardyń adamnyń immýndyq tapshylyq virýsyn (AITV/VICh) juqtyryp alýyna bailanysty epidemiologiialyq tergeý nátijesi kelesi aptada belgili bolady. Bul týraly Densaýlyq saqtaý ministri Ajar Ǵiniiat aitty, dep habarlaidy QazAqparat agenttigi.
«Komissiia kelesi aptada jumysyn aiaqtap, bárin biletin bolamyz. Ázirshe olar jumys istep jatyr. Komissiia jumysyn aiaqtai salysymen tolyq anyqtama daiyndap, ony ákimdik pen Densaýlyq saqtaý ministrligine resmi usynady», - dedi Ajar Ǵiniiat Úkimet otyrysynan keiin BAQ ókilderiniń saýalyna orai.
Onyń atap ótýinshe, dárigerlik qupiia týraly qoldanystaǵy zańnamaǵa sáikes, tergeý júrip jatqan ýaqytta patsientterdiń kelisiminsiz olarmen kezdesýge eshkimniń quqy joq.
«Dárigerlik qupiia bar. Patsienttiń kelisimimen ǵana bolady. Olardyń kezdesýge nieti joq», - dedi ministr.
Buǵan deiin Almaty qalalyq ortalyq klinikalyq aýrýhanasynda jatqan 3 naýqastan AITV anyqtalǵanyn jazǵan edik.
