Almaty qalalyq Mobildi basqarma basshysynyń orynbasary Ernur Ábjahan Abai kóshesin batysqa qarai sozý jumystary men jol aiyryǵynyń qurylysy qashan aiaqtalatynyn aitty, dep habarlaidy "Ult aqparat".
«Úsh jol aiyryǵy salynýda. Tórtinshisin Qulja tasjoly men Buqtyrma kóshesinen endi bastaimyz. Úsh jol aiyryǵyna toqtalyp óteiin. Qulja tasjoly men Rysqulov kóshesi qiylysyndaǵy jumystar aiaqtaldy. Nysan 95% daiyn. Qazan aiynda abattandyrý jumystaryn aiaqtap, jyl sońyna deiin nysandy paidalanýǵa berýdi josparlap otyrmyz. Rysqulov-Emtsov kóshelerindegi jumystar jer ýchaskesin satyp alý tártibine bailanysty ýaqytsha toqtatyldy. Bul problemalyq másele, sot protsesi júrip jatyr. Sondyqtan jumysty jalǵastyrý múmkin emes. Seifýllin-Jansúgirov kóshelerinde de dál osyndai másele týyndap otyr», - dedi Almaty qalalyq Mobildi basqarmasy bastyǵynyń orynbasary Ernur Ábjahan.
Ol aǵymdaǵy jyly respýblikalyq biýdjetten jer satyp alýǵa qosymsha qarjy bólingenin atap ótti.
«Abai dańǵylyn sozý jumystary jalǵasýda. Eger jol túsetin ýchaskeler satyp alynsa, kedergiler bolmasa, 2020 jyly tolyqtai aiaqtaýdy josparlap otyrmyz», - dedi ol.
