Almatyda qaýipsizdikti qamtamasyz etetin 4 myń beinekamera bar, dep habarlaidy QazAqparati.
Almaty qalalyq Politsiia departamentiniń málimetinshe, beinekameralardy paidalaný qylmystyń azaiýyna yqpal etti.
«Búginde politsiia 4 myń beinebaqylaý kameralary kómegimen qaladaǵy zańdylyq pen tártipti baqylaidy, olardyń 600-i jasandy intellektpen qamtamasyz etilgen jáne buzýshylyqtardy adamnyń qatysýynsyz ózderi tirkeidi. Kamera izdeýde júrgen adamdy nemese jalǵan memlekettik tirkeý nómirleri bar avtokólikti anyqtai alady. Olardyń kómegimen jyl basynan beri bir myń 400 qylmystyń beti ashyldy, 780 myń ákimshilik quqyq buzýshylyq anyqtaldy», – dedi Almaty qalalyq Politsiia departamentiniń basshysy Qanat Taimerdenov.
Onyń aitýynsha, Almaty qalasyn damytý jónindegi baǵdarlama aiasynda tártip saqshylary qalanyń barlyq nysandaryndaǵy beinekameralardyń derekterine qol jetkize alady.
«Saýda úileri, aýrýhanalar, emhanalar, mektepter, bir sózben aitqanda, azamattar jappai baratyn oryndarda kamera ornatyldy. Osylaisha, biz qalada 100 myń beinebaqylaý kameralary arqyly tártipti saqtaýǵa múmkindik alamyz. Biz dál osy aldyn-alý sharalary jalpy qylmystyń azaiýyna oń áser etkenine senimdimiz. Bizdiń qala turǵyndar men qonaqtar úshin qaýipsiz boldy. Sondyqtan biz osy baǵytta jumys jasai beremiz», – dep qorytyndylady Qanat Taimerdenov.
