Foto: ashyq derekkóz
Almatyda aýa temperatýrasynyń kúrt tómendeýine bailanysty qala ákimi Darhan Satybaldynyń tapsyrmasymen jylytý maýsymyn ádettegiden erterek bastaý týraly sheshim qabyldandy, dep habarlaidy Ult.kz.
8 qazannan bastap jylý eń aldymen balabaqshalarǵa, mektepterge jáne meditsinalyq mekemelerge beriledi. Turǵyn úilerdi ortalyq jylý júiesine qosý 10 qazannan bastalady.
Jylý berilgennen keiin PIK pen MIB mamandary úidiń ishki jylytý júielerin retke keltiredi: radiatorlar men tikqubyrlardaǵy aýany shyǵaryp, qysymdy retteidi jáne páterlerdiń birkelki jylynýyn qamtamasyz etedi.
«Almaty jylý júiesi» kompaniiasy ainalym rejimdi iske qosqan. Bul qajet bolǵan jaǵdaida barlyq aýdanǵa jylýdy jedel berýge múmkindik beredi.
"Qysqy kezeńge daiyndyq tolyq aiaqtalǵan. Yqtimal aqaýlardy jedel joiý úshin materialdar men jabdyqtardyń apattyq qory jasaqtalǵan. 2025–2026 jylǵy jylytý kezeńinde 16 apattyq jáne jóndeý brigadasy, barlyǵy 220 maman men 56 tehnika birligi táýlik boiy kezekshilik atqarady", - delingen habarlamada.
