Almatyda jylý qubyry jarylyp, kólik, kafe jáne baǵdarshamdy zaqymdady, dep habarlaidy "Ult aqparat".
Jarylǵan qubyrdyń videosy áleýmettik jelilerde tarap jatyr. Onda búlingen kólikter men kafeni kórýge bolady.
«Almaty jylý jelileri» JShS habarlaýynsha, tótenshe jaǵdai Almaty qalasynyń Bostandyq aýdanynda tańǵy 05:00-de Gagarin men Hodjanov kósheleriniń qiylysynda bolǵan.
«Jylý júielerin gidravlikalyq synaý kezinde diametri 800 ml jylý qubyry jaryldy. Bul –1985 jyly salynǵan eski qubyr. 35 jyldan astam ýaqyt jumys istedi. Paidalaný merzimi ótip ketti. Mundai qubyrlar 25 jyl qyzmet etýge arnalǵan. Jaraqat alǵandar joq. Alaida, Avtoturaqta turǵan bes kólik pen baǵdarsham zaqymdandy», – dedi Almaty qalalyq turǵyn úi kommýnaldyq sharýashylyq kásipornynyń ókili Ian Girin.
Onyń aitýynsha, kólik ielerine «Almaty jylý jelileri» mekemesi zańǵa sáikes ótemaqy tóleidi.
«Kólik ieleri «Almaty jylý jelileri» mekemesimen bailanysýy kerek. Eger kólikterge keltirlgen ziian anyqtalsa, onda barlyq adamdarǵa ótemaqy tólenedi. Keltirilgen ziiannyń mólsherin komissiia sheshedi. Qazir saraptama júrgizilýde», - dedi Ian Grin.
