Almaty oblysyndaǵy rancho iesi Ádemi Batalova video túsirilgen jerden birneshe aiǵyr satyp alǵanyn aitty.
"Video Almatydaǵy at sporty mektebinde túsirilgen. Bes jylqy boldy, olardyń psihikasy buzylǵan, keibiriniń aiaq-qoly synǵan. Iesi olardan qutylmaq bolady, barlyǵy jazasyz ótedi, eshkim bilmei qalady dep oilaǵan. Biraq bir adam video túsirip, Jelige salyp jibergen. Sonyń arqasynda olardy qasaphanaǵa aparǵanyn bildik. Qasaphanadan eki jylqyny satyp aldym. Qazir olardy emdeý kerek", - deidi qyz.
Ol janýarlar qartaiyp, qabiletsiz bolǵandyqtan iesi qutylǵysy kelgenin aitty.
"Olar qartaiǵan, tyrtyqtary bar, tiep jatqanda aiaqtary synǵan, jaralar paida bolǵan. Qazir dárigerler emdep jatyr. Qaraǵan aýyr. Olardy qasaphanaǵa, etke ótkizbek bolǵan. Munda jylqylar jyldar boiy "Tulpar" úshin jumys istegen, jarystarǵa baratyn, qansha bala oqytyldy, sondyqtan olardy etke bere salý - qatygezdik", - deidi rancho iesi.
Ekologiia ministrligi qazir mundai máseleler IIM quzyretinde ekenin habarlady. "Qazirgi ýaqytta janýarlarǵa jaýapkershilikpen qaraý týraly zań daiyndalyp jatyr. Zań kúshine engennen keiin bul máselege biz jetekshilik etemiz", - dedi vedomstvo ókilderi.
Almaty politsiia departamenti basshysynyń orynbasary Rýstam Abdrahmanov Instagram-daǵy paraqshasynda jaǵdaidy biletinin jazdy. Onyń aitýynsha, tártip saqshylary tekserýdi bastady.
