«Almatynyń jyl muǵalimi» baiqaýynyń Gran-pri iegerine páter kilti tapsyryldy, dep habarlaidy QazAqparat.
Almaty ákimi Baqytjan Saǵyntaev qala pedagogtary arasyndaǵy baiqaý jeńimpazdarymen jáne muǵalimderdi qoldaý men kásibi damytýǵa baǵyttalǵan arnaiy grant iegerlerimen kezdesti.
Qalalyq «Almatynyń jyl muǵalimi» baiqaýynyń Gran-pri iegeri, №39 mamandandyrylǵan litseidiń qazaq tili men ádebieti pániniń oqytýshysy Nurjigit Amanov Alma City jańa turǵyn úi kesheninen páterdi syilyqqa aldy.
Al 1 oryndy ielengen №10 gimnaziianyń fizika pániniń muǵalimi Daryn Saiynovqa mashina berildi.
Ekinshi jáne úshinshi oryn alǵan №96 mekteptiń bastaýysh synyp muǵalimi Raisa Tsoi jáne №92 mamandandyrylǵan litseidiń himiia pániniń muǵalimi Sýnnatýlla Kaýmbaev aqshalai syiaqymen marapattaldy.
Sonymen qatar, 10 úzdik pedagog, onyń ishinde balabaqsha tárbieshileri qala ákiminiń granttaryn aldy.
Respýblikalyq «Úzdik pedagog» baiqaýy qalalyq týrynyń jeńimpazdaryna aqshalai syilyq berildi.
«Óz mamandyǵy boiynsha úzdikterdi anyqtaýǵa baǵyttalǵan shara daryndy muǵalimderdi qoldap, bedelin arttyryp, ozyq pedagogikalyq tájiribeni bólisý maqsatynda ótkiziledi», - dep atap ótti Baqytjan Saǵyntaev.
Mektepke jańa kelgen jas muǵalimder úshin osymen úshinshi jyl qatarynan bir rettik materialdyq kómek kórsetiledi. Biyl 556 jas mamanǵa 33 mln teńgeden astam qarjy berildi.
Muǵalimderdiń turǵyn úi jaǵdaiyn jaqsartýǵa erekshe kóńil bólinedi. «Almaty jastary 3.0» qalalyq baǵdarlamasy boiynsha ótken jyly bilim berý salasynyń 307 qyzmetkeri páter aldy.
Biyl 245 pedagog jeńildetilgen nesieni paidalandy.
Kezdesý sońynda Almaty ákimi Bayqtjan Saǵyntaev barlyq pedagogtar men tálimgerlerge igi eńbekterine tabys tiledi.
