Almatyda jol talǵamaityn kólik júrgizýshisi turaq aqysyn tólemeý úshin jalǵan memlekettik tirkeý nómirimen júrgen, dep habarlaidy QazAqparat.
Almaty qalalyq politsiia departamentiniń málimetinshe, patrýldik politseiler Mitsubishi Pajero kóligin Abylai han men Qazybek bi kósheleriniń qiylysynda ustady.
«Kólikke ornatylǵan eki túrli memlekettik tirkeý nómiri tártip saqshylarynyń nazaryn aýdardy. Onyń iesi birden anyqtaldy. Er adam ózin qorǵap alý maqsatynda turaq aqysyn tólemeý úshin jalǵan nómir ornatqanyn moiyndady. Bul áreketter zańǵa qaishy keledi jáne ákimshilik jaýapkershilikti júkteidi», - dep habarlady politsiiadan.
Quqyq buzýshyǵa aiyppul salyndy. Sonymen qatar, kólik mamandandyrylǵan aiyppul turaǵyna qoiyldy.
