Almatyda jumys izdeýshilerdiń sany artty. Jumyspen qamtý ortalyǵyna kúnine 500 adam júginedi. Bul týraly Almaty qalalyq jumyspen qamtý ortalyǵynyń direktory Diliara Imanqulova aitty, dep habarlaidy "Ult aqparat".
«Kún saiyn bizge 500-ge jýyq adam keledi. Olardy shuǵyl túrde jumysqa ornalastyrý úshin barlyq sharalardy qarastyramyz. Bizdiń ortalyq arqyly búgingi kúnde 12 myń adam jumyspen qamtyldy»,– dedi ortalyq direktory Diliara Imanqulova
Sonymen qatar, ol sanitarlyq talaptardy saqtaý maqsatynda aýdandarda qosymsha qabyldaý bólimderi ashylǵanyn aitty.
«Jumyspen qamtý ortalyǵyna kelýshilerdiń sanyn azaitý jáne áleýmettik araqashyqtyqty saqtaý maqsatynda qalanyń bes aýdanynda qabyldaý bólimderin ashtyq. Bizdiń mamandar onda adamdarǵa tezirek qyzmet kórsetýge tyrysyp jatyrmyz. Biz barlyq qaýipsizdik normalaryn saqtaimyz»,– dedi Diliara Imanqulova.
Onyń aitýynsha, qazir qoǵamdyq jumystarǵa suranys joǵary.
