Almatynyń patrýldik politsiia qyzmetkerleri júkti áieldi perzenthanaǵa jetkizýge kómektesti, – dep habarlaidy Polisia.kz.
Jergilikti turǵyn keptelis kezinde politsiia qyzmetkerleri Nurlan Ismailov pen Ádilet Nematovtan quralǵan mamandandyrylǵan batalonnyń ekipajyna kómek surap júgingen.
"Áriptesim ekeýmiz Seifýllin dańǵylynda qyzmette boldyq. Janymyzǵa kólik kelip toqtady, júrgizýshi tolǵaǵy bastalǵan júkti áielin alyp bara jatqanyn aitty. Olardy perzenthanaǵa deiin jetkizýin ótindi", – dedi Ádilet Nematov.
Eki kólikten quralǵan kortej qalanyń basqa jaǵynda ornalasqan №3 perinataldyq ortalyqqa sanaýly minýttarda jetti.
"Politseilerdiń arqasynda biz barlyq keptelisten qaýipsiz ári jyldam óttik. Jarty saǵattan keiin áielim bosandy. Bul - meniń úshinshi qyzym. Politsiia qyzmetkerlerine kómek kórsetkeni úshin alǵys aitamyn. Áielim men qyzym qazir úide, bizde bári jaqsy", – dedi Rýstam esimdi almatylyq.
