Qala ákimi Baqytjan Saǵyntaev júk kólikterinen shyǵatyn ziiandy qaldyqtardy azaitý úshin qoldanylatyn sharalar týraly aitty, dep habarlaidy «Ult aqparat».
Megapolis basshysy Facebook-tegi paraqshasynda qorshaǵan ortaǵa túsetin tehnogendik júktemeni azaitý úshin atqarylyp jatqan jumystar týraly aitty.
«Qorshaǵan ortaǵa tehnogendi júktemeni azaitý jumystaryn jalǵastyrýdamyz. Qoǵamdyq jáne kommýnaldyq avtoparkterdi ekologiialyq taza otynǵa aýystyrý jumysymen qatar tranzittik júk kólikteriniń qozǵalysyn shekteý múmkindigin de zerdeleimiz. Júrgizilgen monitoring nátijiesi boiynsha qalaǵa táýligine 17 myńnan astam júk kóligi qatynaidy eken», - dep jazdy qala ákimi.
Baqytjan Saǵyntaevtyń aitýynsha, bul máseleni jan-jaqty zerdeleý úshin Politsiia departamenti men Jasyl ekonomika basqarmasynyń qyzmetkerleri, sarapshylar qaýymdastyǵy, sondai-aq kólik pen kommýnikatsiia ǴZI mamandary tartyldy. Qazirgi ýaqytta lastaýshy qaldyqtyń kólemi, marshrýtty ázirleý men ótkizý qabiletin esepteý boiynsha zertteý júrgizilýde. Nátijesinde megapolistiń ekologiiasy jaqsarady.
