Sýret: Almaty news
Almatyda 16 shildede júk kóligi aialdamada turǵan №137 avtobýsqa soqtyǵysqan. Qoǵamdyq kólik qatty soqqynyń áserinen jeke úidiń qorshaýyna kirip ketti. Almaty politsiiasy jol apatynyń saǵat 09:15-te Almatynyń Naýryzbai aýdanynda bolǵanyn málimdedi.
"Júk kóliginiń júrgizýshisi Áshimov kóshesimen soltústik baǵytta, Shaliapin kóshesiniń soltústiginde kele jatyp, aialdamaǵa toqtaǵan 137-marshrýt avtobýsyna soqtyǵysqan. Inertsiia boiynsha avtobýs jol jiegine shyǵyp, jeke úidiń qorshaýyna soǵylǵan", – dep habarlady politsiia.
Jol apaty saldarynan toǵyz jolaýshy zardap shekti. Jol-kólik oqiǵasynyń basqa da mán-jailary anyqtalyp jatyr.
Densaýlyq saqtaý basqarmasynyń málimetinshe, zardap shekkenderge qajet tekserýler júrgizilip jatyr.
"Oqiǵadan keiin toǵyz adam №7 qalalyq klinikalyq aýrýhanaǵa tekserilý úshin jetkizildi. Polijaraqattar bólimine eki adam jatqyzyldy. Qalǵan naýqastar tekserilgennen keiin úilerine jiberilip, olarǵa ambýlatorlyq em jazyldy", – delingen habarlamada.
