Foto: Kazinform kollajy / t.me/ztb_qaz
Almatyda Satbayev University-niń bas oqý ǵimaratynan (Q.Sátpaev atyndaǵy Qazaq ulttyq tehnikalyq zertteý ýniversiteti) tútin shyqty. Áleýmettik jelide oqý ornynan evakýatsiialanyp jatqan stýdentterdiń videosy tarap jatyr.
Ýniversitettiń baspasóz qyzmeti ǵimarattyń jylý jelisinen aqaý shyqqany jáne qabattardyń birinde jóndeý jumystary júrgizilip jatqanyn habarlady, dep jazady Kazinform agenttigi.
«Jóndeýshilerdiń biri bolgarka quralymen jumys istep jatqan sátte odan shyqqan ushqyn shúberek zatqa túsip, ol birtindep tútindep, iisi shyǵa bastaǵan. Shúberek zat órt sóndirýdiń barlyq erejesine sáikes joiyldy. Eshqandai órt shyqqan joq, biraq dabyl oinaǵan soń, sol qabattaǵy adamdar syrtqa evakýatsiialandy. Zardap shekkender joq», - dep habarlady JOO baspasóz qyzmeti.
