videodan alynǵan kadr
Almatydaǵy bazarlardyń birinde eki júrgizýshi joldy bólise almai, nátijesinde olardyń bireýi qarý qoldanǵan, - dep habarlaidy "Ult aqparat".
Áleýmettik jelide taraǵan videoda sheteldik nómirmen júrgen Toyota Estima kóliginiń júrgizýshisi jábirlenýshini atyp, bir tepkeni anyq kórinedi. Keiin ol lezde kóligine minip ketip qalǵan. Al zardap shekken azamat ony artynan qýǵan. Biraq jete almaidy.
Sodan soń jábirlenýshi qanǵa boialǵan betin ustap, kóligine júgiredi.
Almaty qalalyq Politsiia departamentiniń habarlaýynsha, atalǵan derekke qatysty Naýryzbai aýdandyq Politsiia bólimi QR QK-niń 293-baby 2-bóliginde kózdelgen qylmys baby boiynsha sotqa deiingi tergeý amaldaryn júrgizip jatyr.
"Aldyn ala málimet boiynsha, bazarlardyń biriniń aýmaǵynda eki kólik júrgizýshisiniń arasynda aýyzsha janjal týyndap, nátijesinde olardyń biri qarsylasynyń betinen atqan.
Kúdikti politsiiaǵa jetkizildi. Onyń atyna tirkelgen “IJ” gaz tapanshasy qylmystyq is materialdaryna qosa tirkeldi" - deidi politsiia ókilderi.
