Almaty politseileri jol boiynda shahmat oinaǵan prankerlerdi qamaýǵa aldy, dep habarlaidy "Ult aqparat".
Blogerler Ákimshilik quqyq buzý kodeksiniń «Usaq buzaqylyq» baby boiynsha jazalandy.
Isti Almaty qalasynyń mamandandyrylǵan aýdanaralyq ákimshilik soty qarady.
«Sot sheshimi boiynsha oiynshylardyń biri - 15 táýlikke, ekinshisi - 10 táýlikke qamaldy. Olar qazir Almatynyń qabyldaý-taratý ornynda» dep habarlady qalalyq politsiia departamenti.
Sondai-aq, sot sheshimimen quqyq buzýshylardyń júrip-turýyna úsh ai merzimge erekshe talap qoiyldy.
Eske salaiyq, 7 jeltoqsan kúni áleýmettik jelide ál-Farabi dańǵylynyń boiynda shahmat oinap otyrǵan prankerlerdiń videosy taraǵan bolatyn.
Sol kúni Bostandyq aýdandyq politsiia basqarmasynyń basshysy Ulan Ábilqaiyr Facebook jelisindegi paraqshasynda prankerler politsiiaǵa jetkizilgenin habarlady.
