Almatyda 43,2 myń sharshy metr aýmaqtaǵy jolǵa jóndeý jumystary júrgizildi, dep habarlaidy "Ult aqparat" qalalyq ákimdiktiń baspasóz qyzmetine silteme jasai otyryp.
«Biyl 250 myń sharshy metr jol jóndelip, 97 myń sharshy metr trotýarlar men 130 beket alańdary qaita jasalady. Jol-jóndeý jumystaryna jergilikti biýdjetten 7 mlrd teńge, sonyń ishinde aǵymdaǵy jóndeý jumystaryna 1 mlrd teńge, trotýarlar men beket núktelerin jóndeýge 500 mln teńge, ortasha jóndeý jumystaryna 5,5 mlrd teńge bólindi», delingen habarlamada.
Sonymen qatar, qalalyq ákimdiktiń habarlaýynsha, qazirgi ýaqytta qala joldaryndaǵy aqaýlardy anyqtap, jóndeýge 20 brigadasy bar tórt merdigerlik uiym bólingen.
Almaty qalasynyń Jolaýshy kóligi jáne avtomobil joldary basqarmasy habarlaǵandai, qalada uzyndyǵy 31,27 shaqyrym bolatyn 12 magistraldi jáne aýdandyq mańyzy bar 23 kóshelerge ortasha jóndeý jumystary júrgizilip jatyr. Sondai-aq, uzyndyǵy 30,75 shaqyrym bolatyn 19 kóshege ortasha jóndeý jumystaryn júrgizýge memlekettik tapsyrys jariialanǵan.
Jaqyn kúnderi Baitursynov kóshesi, Timiriazev kóshesinen Abai dańǵylyna deiingi jol kúrdeli jóndeýden ótedi. Kúrdeli jóndeýden ózge bul ýchaskege «Almaty qalasynyń turaqty kóligi» baǵdarlamasy boiynsha qalanyń velosiped jáne júrginshi joly infraqurylymyn josparlaý negizinde velosiped joldarynyń qondyrǵylary ornatylady.
Jandosov kóshesi, Saiyn kóshesinen Taýsamaly eldi mekenine deiin uzyndyǵy 2,08 bolatyn aýmaq kúrdeli jóndeýden ótip jatyr. Jobada kólik qozǵalysy bóligin 4 jolaqqa deiin keńeitý, «Qarǵaly» ózeniniń boiyndaǵy kópirdi qaita jasaý, uzyndyǵy 2 km bolatyn velojol men uzyndyǵy 4 km bolatyn trotýarlar salý qarastyrylǵan.
Atap óterlik jait, biylǵy jyly jalpy quny 574 mln teńge bolatyn 14,7 shaqyrym aryq jelisin salý, 57 kóshede 42,2 shaqyrym aryq jelisin qaita jasaý josparlanǵan. Sonymen qatar, aýdandyq ákimdikterden uzyndyǵy 500 shaqyrym bolatyn 488 kóshege jańa aryq jeliler men nóser kanalizatsiialaryn salý úshin JSQ jasaý jóninde ótinishter túsken.
