Almatydaǵy úlken jol airyǵynyń qurylysy biyl bastalady. Bul týraly Jetisý aýdanynyń ákimi Maqsat Qiqymov baspasóz máslihaty barysynda málim etti, dep habarlaidy QazAqparat.
«Seifýllin-Jansúgirov kósheleriniń qiylysyndaǵy jol airyǵynyń qurylysy biyl bastalady. Uzaq ýaqyt boiy súriletin turǵyn úide turatyn 117 otbasyna beriletin ótemaqy máselesi sheshimin tappai keldi. Ótken jyldyń tamyzynda buzylýǵa jatatyn ýchaskelerdiń ieleri Almaty qalasynyń ákimi Baqytjan Saǵyntaevpen kezdesý kezinde kómek surap, ótinish bildirgen edi. Qala ákimi 29 qazanda Memleket basshysy Qasym-Jomart Toqaevtyń qatysýymen ótken keńeste jol airyqtaryn salý úshin alynatyn ýchaskelerge ótemaqy tóleý máselesin kótergen bolatyn. Sóitip qarjy máselesi sheshildi», – deidi Maqsat Qiqymov.
Maqsat Qiqymovtyń aitýynsha, ótken jyldyń qazan aiynda respýblikalyq biýdjet qaita naqtylanyp, ótemaqy tóleýge qarjy bólindi.
«Jalpy 117 otbasyna ótemaqy tólendi», - deidi spiker.
