الماتىداعى ٷلكەن جول ايرىعىنىڭ قۇرىلىسى بيىل باستالادى. بۇل تۋرالى جەتٸسۋ اۋدانىنىڭ ەكٸمٸ ماقسات قيقىموۆ باسپاسٶز مەسليحاتى بارىسىندا مەلٸم ەتتٸ, دەپ حابارلايدى قازاقپارات.
«سەيفۋللين-جانسٷگٸروۆ كٶشەلەرٸنٸڭ قيىلىسىنداعى جول ايرىعىنىڭ قۇرىلىسى بيىل باستالادى. ۇزاق ۋاقىت بويى سٷرٸلەتٸن تۇرعىن ٷيدە تۇراتىن 117 وتباسىنا بەرٸلەتٸن ٶتەماقى مەسەلەسٸ شەشٸمٸن تاپپاي كەلدٸ. ٶتكەن جىلدىڭ تامىزىندا بۇزىلۋعا جاتاتىن ۋچاسكەلەردٸڭ يەلەرٸ الماتى قالاسىنىڭ ەكٸمٸ باقىتجان ساعىنتاەۆپەن كەزدەسۋ كەزٸندە كٶمەك سۇراپ, ٶتٸنٸش بٸلدٸرگەن ەدٸ. قالا ەكٸمٸ 29 قازاندا مەملەكەت باسشىسى قاسىم-جومارت توقاەۆتىڭ قاتىسۋىمەن ٶتكەن كەڭەستە جول ايرىقتارىن سالۋ ٷشٸن الىناتىن ۋچاسكەلەرگە ٶتەماقى تٶلەۋ مەسەلەسٸن كٶتەرگەن بولاتىن. سٶيتٸپ قارجى مەسەلەسٸ شەشٸلدٸ», – دەيدٸ ماقسات قيقىموۆ.
ماقسات قيقىموۆتىڭ ايتۋىنشا, ٶتكەن جىلدىڭ قازان ايىندا رەسپۋبليكالىق بيۋدجەت قايتا ناقتىلانىپ, ٶتەماقى تٶلەۋگە قارجى بٶلٸندٸ.
«جالپى 117 وتباسىنا ٶتەماقى تٶلەندٸ», - دەيدٸ سپيكەر.
