Almatyda bolǵan jol apatynan erkin kúres balýandary kóz jumdy, dep habarlaidy "Ult aqparat".
Erkin kúres sheberleri - Jaqsybek Karabalaev, Ilias Jumai, Janbota Baibazar Almaty-Taraz tasjolynda bolǵan jol apatynda qaitys boldy.
Qaiǵyly habar QR Grek-rim, erkin jáne áielder kúresi federatsiiasynyń Instagram-daǵy resmi akkaýntynda jariialandy.
«Qaraly habar qabyrǵamyzdy kaiystyrdy... Beibit zamanda jas, bolashaǵynan úmit kúttiretin balýandarymyzdan aiyrylyp qalamyz dep kim oilaǵan... Balýandarymyzdyń mezgilsiz dúnieden ótýine bailanysty elimizdiń barsha kúres jankúierlerine, marqum bolǵan balalardyń otbasyna, týǵan-týystaryna, jora-joldastaryna qaiǵyryp kóńil aitamyz. Jandaryńyz jannatta bolsyn!!!», - dedi QR Grek-rim, erkin jáne áielder kúresi federatsiiasynan.
Naqtyraq aitsaq, kúni keshe bir top (bes jigit) erkin kúres balýandary jol apatyna túsip, Jaqsybek Karabalaev pen Janbota Baibazar oqiǵa ústinde kóz jumdy. Al aýyr halde aýrýhanaǵa túsken Iliias Jumai búgin qaitys boldy degen taǵy bir sýyq habar jetti.
Zaýytbek Nurdáýlet pen Shyńǵyshan Muhametqaliev jansaqtaý bóliminde jatyr.
