Almatyda izdeý jariialanǵan «Qazaqstan arýy-2019» baiqaýynyń finalisti aman-esen tabyldy, dep habarlaidy "Ult aqparat".
Almaty qalalyq Politsiia departamentiniń habarlaýynsha, joǵalǵan boijetken tabyldy.
«Belgili bolǵanyndai, arý osydan bir kún buryn eshkimdi eskertpesten Taraz qalasyna ketip qalǵan. Ol bailanysqa shyqty. Aman-esen», - dep habarlady departamentten.
Eske salaiyq, onyń joǵalyp ketkeni týraly aqparat áleýmettik jelide taraǵan bolatyn.
Keshe keshkisin Alataý aýdandyq politsiia basqarmasyna joǵalyp ketken qyzdyń qurbysynan aryz tústi.
Aita keteiik, Gúlnur Nurtaza - «Qyzylorda arýy-2017» baiqaýynyń jeńimpazy.
Qazirgi ýaqytta Almatyda jumys isteidi.
