Almatyda jezóksheler qyzmet kórsetken úsh massaj salony anyqtalyp, joiyldy, dep habarlaidy "Ult aqparat".
Politsiia departamentiniń málimeti boiynsha, olar Bostandyq jáne Medeý aýdandarynda ornalasqan.
Almaty qalasy PD kriminaldyq politsiia basqarmasynyń bastyǵy Qýatbek Naýatovtyń aitýynsha, intim-salondar kottedjderde ornalasqan jáne oǵan kelýshiler saýnaǵa, spa-ortalyqtaryna bara alady.
«Úsh nysanda jezókshelikpen ainalysqan 20 áiel jáne úsh ákimshi ustaldy. Salon jumysshylarynyń ekeýi Ózbekstan jáne Resei Federatsiiasynyń týmasy, taǵy bireýi – Qyrǵyzstan Respýblikasynyń azamaty. Olar qalalyq Politsiia departamentine jetkizildi. Jezókshelik pen ony uiymdastyrýǵa oryn bergen ǵimarat ielerine de shara qoldanyldy», - dedi Almaty qalalyq PD Kriminaldyq politsiia basqarmasynyń bastyǵy Qýatbek Naýatov.
