Búgin ótken onlain konferentsiia barysynda Almatynyń №2 Jylý-elektr ortalyǵy qaita jańǵyrtylǵan soń tarifteri qanshalyqty ózgeretindigi aityldy, dep habarlaidy QazAqparat.
«Qazirgi tańda «Samuryq-Energo» AQ jobanyń tehnikalyq-ekonomikalyq negizdemesin jasap jatyr. Oǵan sáikes JEO-2 qazandyqtarynda kómir ornyna gaz jaǵý qarastyrylǵan. Ol aýaǵa bólinetin kúkirt dioksidi, kúl, taǵy basqa zattardyń 83%-ǵa (qazirgi 37 myńnan 6 myńǵa deiin) azaitýǵa múmkindik beredi», - dedi QR Ekologiia, geologiia jáne tabiǵi resýrstar ministrliginiń Ekologiialyq retteý jáne baqylaý komitetiniń tóraǵasy Zulfyhar Joldasov.
Jobanyń quny – 98 mlrd teńge. Bul jaǵdaida tarifterdiń 34%-ǵa, 8,7 teńgeden 11,6 teńgege qymbattaityny esepteldi.
«Ortalyqta qazandyqtar 12 metr tómen ornalasqan. Nóldik biikten gaz qazandyǵyn ornatý jóninde bir jol bar. Ekinshi jaǵdaidy kómirmen isteitin agregattarǵa sapaly tazalaý filtri qoiylady. Bul ziiandy bólshekterdi jylyna 37 myń tonnadan 11 myń tonnaǵa azaitýdy qamtamasyz etedi. Atap aitqanda, kúkirt dioksidi 86%-ǵa, shań 80%ǵa azaiady. Eseptesek tarif 25%-ǵa kóteriledi. Jylý aqysyn 8,7 teńgeden 10,9 teńgege qymbattaidy», - dedi komitet basshysy.
Sondai-aq, Almaty oblysy Ótegen batyr kentindegi JEO-3 da osylai jańǵyrtylýy tiis. Sebebi bul ortalyq aýaǵa shyǵaratyn ziiandy zattar JEO-2-niń shyǵaratynyyń úshten birine teń.
Onlain konferentsiiaǵa QR Ekologiia, geologiia jáne tabiǵi resrýstar ministri Maǵzum Myrzaǵaliev, Almaty ákiminiń birinshi orynbasary Erlan Qojaǵapanov, ekologiialyq belsendiler qatysyp jatyr.
