بٷگٸن ٶتكەن ونلاين كونفەرەنتسييا بارىسىندا الماتىنىڭ №2 جىلۋ-ەلەكتر ورتالىعى قايتا جاڭعىرتىلعان سوڭ تاريفتەرٸ قانشالىقتى ٶزگەرەتٸندٸگٸ ايتىلدى, دەپ حابارلايدى قازاقپارات.
«قازٸرگٸ تاڭدا «سامۇرىق-ەنەرگو» اق جوبانىڭ تەحنيكالىق-ەكونوميكالىق نەگٸزدەمەسٸن جاساپ جاتىر. وعان سەيكەس جەو-2 قازاندىقتارىندا كٶمٸر ورنىنا گاز جاعۋ قاراستىرىلعان. ول اۋاعا بٶلٸنەتٸن كٷكٸرت ديوكسيدٸ, كٷل, تاعى باسقا زاتتاردىڭ 83%-عا (قازٸرگٸ 37 مىڭنان 6 مىڭعا دەيٸن) ازايتۋعا مٷمكٸندٸك بەرەدٸ», - دەدٸ قر ەكولوگييا, گەولوگييا جەنە تابيعي رەسۋرستار مينيسترلٸگٸنٸڭ ەكولوگييالىق رەتتەۋ جەنە باقىلاۋ كوميتەتٸنٸڭ تٶراعاسى زۇلفىحار جولداسوۆ.
جوبانىڭ قۇنى – 98 ملرد تەڭگە. بۇل جاعدايدا تاريفتەردٸڭ 34%-عا, 8,7 تەڭگەدەن 11,6 تەڭگەگە قىمباتتايتىنى ەسەپتەلدٸ.
«ورتالىقتا قازاندىقتار 12 مەتر تٶمەن ورنالاسقان. نٶلدٸك بيٸكتەن گاز قازاندىعىن ورناتۋ جٶنٸندە بٸر جول بار. ەكٸنشٸ جاعدايدى كٶمٸرمەن ٸستەيتٸن اگرەگاتتارعا ساپالى تازالاۋ فيلترٸ قويىلادى. بۇل زيياندى بٶلشەكتەردٸ جىلىنا 37 مىڭ توننادان 11 مىڭ تونناعا ازايتۋدى قامتاماسىز ەتەدٸ. اتاپ ايتقاندا, كٷكٸرت ديوكسيدٸ 86%-عا, شاڭ 80%عا ازايادى. ەسەپتەسەك تاريف 25%-عا كٶتەرٸلەدٸ. جىلۋ اقىسىن 8,7 تەڭگەدەن 10,9 تەڭگەگە قىمباتتايدى», - دەدٸ كوميتەت باسشىسى.
سونداي-اق, الماتى وبلىسى ٶتەگەن باتىر كەنتٸندەگٸ جەو-3 دا وسىلاي جاڭعىرتىلۋى تيٸس. سەبەبٸ بۇل ورتالىق اۋاعا شىعاراتىن زيياندى زاتتار جەو-2-نٸڭ شىعاراتىنىىڭ ٷشتەن بٸرٸنە تەڭ.
ونلاين كونفەرەنتسيياعا قر ەكولوگييا, گەولوگييا جەنە تابيعي رەسرۋستار مينيسترٸ ماعزۇم مىرزاعاليەۆ, الماتى ەكٸمٸنٸڭ بٸرٸنشٸ ورىنباسارى ەرلان قوجاعاپانوۆ, ەكولوگييالىق بەلسەندٸلەر قاتىسىپ جاتىر.
