Almatyda 1986 jylǵy Jeltoqsan oqiǵasynyń qurbandaryn eske aldy, dep habarlaidy QazAqparat.
«Táýelsizdik tańy» eskertkishine gúl shoqtaryn qoiyp, jeltoqsan oqiǵasynyń qurbandaryna taǵzym etý rásimi jasaldy. Bul sharaǵa Almaty qalasynyń ákimdiginiń basshylyǵy, jáne jeltoqsandyq uiymdardyń jetekshileri qatysty.
Resmi shara aldymen 1986 jylǵy Jeltoqsan qurbandaryn eske alý úshin bir minýttyq únsizdikpen bastaldy.
Din ókilderi quran baǵyshtady. Osydan soń jeltoqsanshylarǵa arnaiy as uiymdastyryldy.
«Táýelsizdik tańy» monýmenti 2006 jyly Tuńǵysh Prezident – Elbasy N. Nazarbaevtyń qatysýymen Jeltoqsan-Sátbaev kósheleriniń qilysynda ashyldy.
Memleket basshysy Qasym-Jomart Toqaevtyń jeltoqsanshylardyń erligin máńgi este qaldyrý týraly tapsyrmasyna sáikes Almatyda sol oqiǵalardyń qurmetine «Jeltoqsan» dep atalatyn saiabaq ashyldy.
Sonymen qatar, osy saiabaqta ornatylatyn eskertkishti daiyndaýǵa shyǵarmashylyq baiqaý jariialandy.
