Búgin Almatyda qala ákimi Baqytjan Saǵyntaevtyń jáne bilim berý uiymdarynyń birinshi basshylarynyń qatysýymen Bilim basqarmasynyń alqa otyrysy ótti, dep habarlaidy QazAqparat.
Otyrys jumysyna qoǵam belsendileri jáne úkimettik emes sektordyń ókilderi qatysty.
«Bala týý kórsetkishiniń ósýi, qoldanystaǵy mektepke deiingi bilim berý mekemeleriniń qýatynyń jetispeýshiligi – naryqtyń aýqymdy ekenin kórsetedi. Jalpy, jekemenshik mektepke deiingi sektorda júrgizilgen zertteý nátijeleri boiynsha jekemenshik mektepke deiingi uiymdardyń tárbie-bilim berý qyzmetterin kórsetýdegi áleýetin ǵana emes, sonymen qatar ata-analardyń kórsetiletin qyzmetterdiń sapasyna qanaǵattanýshylyǵyn da kórsetti», - dedi Jekemenshik bilim berý uiymdarynyń respýblikalyq qaýymdastyǵynyń tóraiymy Roza Sadyqova.
Málim etilgendei, mektepke deiingi uiymdarǵa kezekti azaitý jáne basqa da máselelerdi sheshý maqsatynda Almaty ákimdigi QR Bilim jáne ǵylym ministrligine memlekettik tapsyryspen jumys isteitin jekemenshik baqshalardaǵy shyǵyndardy jergilikti biýdjetten sýbsidiialaý týraly usynys jasaǵan. Bul shara sondai-aq jekemenshik balabaqshalarǵa qoljetimdilikti qamtamasyz etýdi, memlekettik, sondai-aq jekemenshik balabaqshalarda ata-analar tólemin teńestirýdi kózdeidi.
«Almaty ákimdigi qabyldaǵan is-sharalar qalamyzdyń jekemenshik mektepke deiingi bilim berý kásipkerligin damytýǵa qolaily jaǵdai jasaidy jáne yntalandyrady. Mundai is-sharalar bizdiń bárimizge artqa sheginbei, bir orynda turyp qalmai, alǵa jyljitynymyzǵa, óz jumysymyzdyń nátijesin kóretinimizge senimdilik beredi», - dedi R.Sadyqova.
Qazirgi ýaqytta Almaty qalasynyń Bilim basqarmasy Jeke bilim berý uiymdary qaýymdastyǵymen birlesip, memlekettik tapsyryspen jekemenshik mektepke deiingi uiymdarmen tamaqtaný úshin jergilikti biýdjetten sýbsidiialaý máselesin talqylaý boiynsha jumys júrgizýde.
«Biz jergilikti biýdjetten memlekettik bilim berý tapsyrysy bar jekemenshik uiymdarda tólemaqyny óteý boiynsha konkýrsqa jiberýdiń mynadai kriteriilerin usyndyq. Bul, mektepke deiingi uiymnyń mektepke deiingi tárbie men oqytý salasyndaǵy normativtik aktilerge sáikestigi. Tańdaý memlekettik bilim berý tapsyrysyn ornalastyrý boiynsha shartta kózdelgen ónim berýshiniń mindettemelerin oryndaý boiynsha monitoring nátijelerine negizdeletin bolady», - dep túsindirdi R.Sadyqova.
Aita ketý kerek, memlekettik tapsyryspen jekemenshik balabaqshaǵa baryp júrgen balalardyń ata-analary tamaqtaný shyǵyndaryn burynǵy kólemde tólei beredi. Sýbsidiialaý balalary alǵash ret mektepke deiingi jekemenshik uiymdarǵa memlekettik tapsyryspen baratyn ata-analarǵa ǵana qatysty. Osylaisha, memlekettik bilim berý tapsyrysyn iske asyrý aiasynda jergilikti biýdjetten sýbsidiialaý esebinen qarjylandyrylǵan bilim berý qyzmetteri men tamaqtaný baǵasyn óteý tutynýshynyń qaltasyna túsetin salmaqty azaitady.
